നിലയ്ക്കൽ: 37 -മത് നിലക്കൽ പരുമല തീർഥാടന പദയാത്ര ഒക്ടോബർ 31, നവംബർ 1, 2 തീയതികളിലായി നടക്കും.
ഇന്ത്യയിലേക്ക് കടന്നുവന്ന ക്രിസ്തുവി ൻറെ അരുമശിഷ്യൻ വി മാർത്തോമാ ശ്ളീഹായാൽ സ്ഥാപിതമായ നിലക്കൽ സെൻറ് തോമസ് എക്യുമിനിക്കൽ ദേവാലയത്തിൽ നിന്നുമാണ് പദയാത്ര ആരം ഭിക്കുന്നത് . ഒക്ടോബർ 31 ചൊവ്വാഴ്ച്ച രാവിലെ 6 .30 നു നിലക്കൽ സെൻറ് തോമസ് എക്യുമിനിക്കൽ ദേവാലയത്തിൽ പ്രഭാത നമസ്കാരം നടക്കും. 7 മണിക്ക് നിലക്കൽ പരുമല തീർഥാടക സംഘം പ്രസിഡണ്ട് ഫാ: സിജു വർഗീസ് വിശുദ്ധ കുർബാന അർപ്പിക്കും. നിലക്കൽ എക്യുമിനിക്കൽ ട്രസ്റ്റ് അഡ്മിനി സ്ട്രേറ്റർ ഫാ. ബാബു മൈക്കിൾ പദയാത്ര ആശീർവദിച്ചു യാത്രായാക്കും
ആങ്ങമൂഴി സെൻറ് ജോർജ് ,നിലക്കൽ സെൻറ് തോമസ് ദേവാലയങ്ങളിലെ പദയാത്രികർ ഉൾപ്പടെ പരുമലതിരുമേനിയുടെ തിരുശേഷിപ്പ് സൂക്ഷിച്ചി രിക്കുന്ന സീതത്തോട് സെൻറ് ഗ്രിഗോറിയോസ് ദേവാലയത്തിൽ രാവിലെ 10 .30 നു ധുപപ്രാത്ഥനകൾ നടത്തും . 11.30 നു എൺപത്തിയാറു മുസ്ലിം ജമാ അത്തെ അങ്കണത്തിൽ ബഹു അബ്ദുൽ ലത്തീഫ് മൗലവി സ്വീകരിച്ചു ആശംസകൾ അർപ്പിക്കും, തുടർന്ന് ചിറ്റാർ ശ്രീകൃഷ്ണപുരം ശ്രീ മഹാവിഷ്ണു ക്ഷേത്രം വഞ്ചിപടി യിൽ ക്ഷേത്ര ഭാരവാഹികൾ പദയാത്രക്ക് സ്വീകരണം നൽകും. ഉച്ചക്ക് 12 .30 ന് ചിറ്റാർ പഴയ ബസ്റ്റാൻഡിലെത്തുന്ന പദയാത്ര സംഘത്തോടൊപ്പം വയ്യാറ്റുപുഴ സെൻറ് തോമസ് ദേവാലയത്തിൽ നിന്നെത്തുന്ന തീർഥാടക സംഘം സംഗമി ക്കും. 1 ന് ചിറ്റാർ സെൻറ് ജോർജ്ജ് വലിയ പള്ളിയിൽ ഉച്ചനമസ്കാരത്തിനു ശേഷം ഭക്ഷണത്തിനായി വിശ്രമിക്കും. 2 മണിക്ക് ചിറ്റാർ മാർക്കറ്റ് ജങ്ഷനിൽ പൗരാവലിയുടെ നേർച്ചകാഴ്ചകളും സ്വീകരണവും ഏറ്റുവാങ്ങും . തുടർന്ന് 3.30 ന് മണിയാറിൽ ജങ്ഷനിൽ കുടപ്പന സെൻറ് മേരീസ് പള്ളിയിൽ നിന്നുള്ള തീർഥാടകസംഘംയാത്രയ്ക്ക് ഒപ്പം ചേരും. വൈകിട്ട് 5 ന് വടശേരിക്കര ഗ്രാമപഞ്ചായത്തു പ്രസിഡൻറ് ശ്രീമതി ലതാമോഹൻ പേഴുംപാറ ജങ്ഷനിൽ പദയാത്രയെ സ്വീകരിച്ച് 6 ന് വടശേരിക്കര വിശുദ്ധ മർത്തമറിയം തീർഥാടന പള്ളിയിൽ എത്തിചേർന്ന് ഭക്ഷണത്തിനു ശേഷം രാത്രികാല വിശ്രമം നടത്തും.
നവംബർ 1 രാവിലെ 5 ന് തീർഥാടന യാത്ര പുനരാരംഭിക്കും. 7 ന് കീക്കൊഴൂർ സെൻറ് പീറ്റേഴ്സ് ആൻഡ് സെൻറ് പോൾസ് ദേവാലയത്തിലെത്തി പ്രഭാത ഭക്ഷ ണംസ്വീകരിക്കും. 10.30 ന് മാരാമൺ സെൻറ് മേരീസ് ദേവാലയ സന്ദർശനത്തിന് ശേഷം ഉച്ചക്ക് 12.30 ന് നെല്ലിക്കൽ എം ഡി എം പ്രാർഥനയോഗത്തിൽ ഉച്ച ഭക്ഷണ ത്തിനായി വിശ്രമിക്കും. തുടർന്ന് ഉച്ചയ്ക്ക് 1 നു പദയാത്ര പുനരാരംഭിക്കും. ആറാട്ടുപുഴ, പുത്തൻകാവ്, ചെങ്ങന്നൂർ, പാണ്ടനാട് വഴി വൈകിട്ട് 6 ന് പരുമല പള്ളിയിൽ എത്തിച്ചേരും. നിലക്കൽ ഉൾവനത്തിൽ നിന്നും വെട്ടിയെടുത്ത വള്ളിക്കുരിശുമായി പ്രാർഥനക്കും നേർച്ച സമർപ്പണത്തിനുമായി ദേവാലയത്തി ലേക്കും കബറിങ്കലേക്കും പദയാത്രികർ പ്രവേശിക്കും.
നവംബർ 2 നു പരുമല പള്ളിയിലെ പെരുനാൾ കുർബാനയിലും കബറി ങ്കൽ ധൂപ പ്രാർഥനയിലും നേർച്ച വിളമ്പിലും തീർത്ഥാടക സംഘം പങ്കെടുക്കും. പരുമല ദേവാലയത്തിൻറെ തെക്കു കിഴക്കുള്ള ധ്യാന മന്ദിരത്തിൻറെ ഏറ്റവും മുകളിലുള്ള ഡോർമെറ്ററിയിലാണ് രണ്ടാം ദിവസം തീർഥാടകർക്ക് വിശ്രമത്തി നായി ഒരുക്കിയിരിക്കുന്നതെന്നും പദയാത്രികർ സംഘാടക സമിതിയുടെ നിർദ്ദേശങ്ങൾ പാലിക്കണമെന്നും സംഘാടക സമിതി പ്രസിഡൻറ് ഫാ സിജു വർഗ്ഗീസ് ജനറൽ കൺവീനർ ബിജു പടനിലം , ജസ്റ്റിൻ പീടികയിൽ എന്നിവർ വാർത്താസമ്മേളനത്തിൽ അറിയിച്ചു.
ആങ്ങമൂഴി സെൻറ് ജോർജ് , നിലക്കൽ സെൻറ് തോമസ്, സീതത്തോട് സെൻറ് ഗ്രീഗോറിയോസ്, വയ്യാറ്റുപുഴ സെൻറ് തോമസ്, ചിറ്റാർ സെൻറ് ജോർജ് വലിയപള്ളി, കുടപ്പന സെൻറ് മേരീസ്, വടശ്ശേരിക്കര വി മർത്തമറിയം തീർത്ഥാടനപള്ളി, എന്നീ ദേവാലയങ്ങളുടെ സംയുക്ത ആഭിമുഖ്യത്തിലാണ് പദയാത്ര സംഘടിപ്പിച്ചിരിക്കുന്നത്. റവ ബസലേൽ റമ്പാൻ, ഫാ എബ്രഹാം സാമുവേൽ, ഫാ എബി വർഗ്ഗീസ്, ഫാ ലിജിൻ തോമസ്, ഫാ ബിജിൻ ചെറിയാൻ, ഫാ ഫിലിപ്പ് മാത്യു , രഞ്ജിത്ത് രാജു പ്ലാത്താനം, ഫിലിപ് ഏബ്രഹാം, അജിത്ത് തോമസ്, മനോജ് പനങ്ങാട്ട്, റജി കോശി, സജി കുടപ്പന എന്നിവരാണ് സംഘാടക സമിതി ഭാരവാഹികൾ.
