ഏറെ വര്‍ഷത്തെ കാത്തിരിപ്പിന് ഒടുവില്‍ കോന്നി അട്ടച്ചാക്കല്‍ പോസ്റ്റ്‌ ഓഫീസില്‍ വൈദ്യുതി ലഭിച്ചു . ഈ പോസ്റ്റ്‌ ഓഫീസ് ഇവിടെ വന്നതില്‍ പിന്നെ വൈദ്യുതിക്ക് വേണ്ടി ജീവനകാര്‍ ഏറെ ശ്രമം നടത്തിയിരുന്നു . എന്നാല്‍ അനുകൂലമായ തീരുമാനം ലഭിച്ചില്ല . പ്രദേശവാസിയായ സാമൂഹിക പ്രവര്‍ത്തകന്‍ രാജേഷ്‌ പേരങ്ങാട്ട് ” മാധ്യമങ്ങളുടെ സഹായത്തോടെ വിഷയം ജന ശ്രദ്ധയില്‍ കൊണ്ടുവന്നു . അധികാരികള്‍ക്ക് നിവേദനവും നല്‍കി .
അട്ടച്ചാക്കൽ ഒന്നാം വാർഡിൽ സ്ഥിതി ചെയ്യുന്ന പോസ്റ്റാഫീസ് ഏകദേശം ഇരുപത് വർഷങ്ങൾക്ക് ശേഷം വെളിച്ചം കണ്ടു . വർഷങ്ങളായി ഇവിടെ ജോലി ചെയ്ത് വരുന്ന ഉദ്യോഗസ്ഥർക്ക് ഒരു ആശ്വാസം കൂടിയാണിത്. വാർഡ് മെമ്പർ സോമൻ പിള്ള ചക്കാണിക്കലിന്റെ വകയായിട്ടാണ് വയറിംഗ് നടത്തിയത്.
