തമിഴ്‌നാട്ടില്‍ നിന്നും തണ്ണി തോട് ഭാഗത്തേക്ക് സിമന്‍റ് കയറ്റി വന്ന ലോറി ഞള്ളൂരില്‍ വെച്ച് നിയന്ത്രണം വിട്ടു താഴ്ചയിലേക്ക് മറിഞ്ഞു . വനം വകുപ്പ് ഞള്ളൂര്‍ ഓഫീസിനു സമീപമായാണ് ലോറി താഴ്ചയിലേക്ക് മറിഞ്ഞത് .
തമിഴ്‌നാട്‌ നിവാസി രാജേഷ്‌ ഖന്ന , മുരുകേശന്‍ , ശരവണ കുമാര്‍ എന്നിവര്‍ ആയിരുന്നു ലോറിയില്‍ ഉണ്ടായിരുന്നത് . രാത്രിയില്‍ എപ്പോഴോ ആണ് ലോറി മറിഞ്ഞത് .വെളുപ്പിനെ ഇത് വഴി പോയ വാഹന യാത്രികര്‍ സംഭവം കോന്നി അഗ്നിശമന വിഭാഗത്തെ അറിയിച്ചു . രാജേഷ്‌ ഖന്ന ആണ് ലോറി ഓടിച്ചത് .
കോന്നി അഗ്നി ശമന വിഭാഗം സ്ഥലത്ത് എത്തുകയും മൂവരെയും സേനയുടെ ആംബുലന്‍സ്സില്‍ കോന്നി താലൂക്ക് ആശുപത്രിയില്‍ എത്തിച്ചു . മൂവരുടെയും പരിക്ക് ഗുരുതരം അല്ല .
