ശബരിമല തീര്‍ഥാടനം: ദേവസ്വം മന്ത്രിയുടെ യോഗം നാളെ ( 17 ) പമ്പയിൽ
ശബരിമല മണ്ഡല-മകരവിളക്ക് തീര്‍ഥാടനവുമായി ബന്ധപ്പെട്ട ക്രമീകരണങ്ങള്‍ ചര്‍ച്ച ചെയ്യുന്നതിന് ദേവസ്വം വകുപ്പ് മന്ത്രി കെ. രാധാകൃഷ്ണന്റെ അധ്യക്ഷതയില്‍ നാളെ (ഒക്ടോബര്‍ 17 ) രാവിലെ 11ന് പമ്പയിലെ ശ്രീരാമസാകേതം കോണ്‍ഫറന്‍സ്ഹാളില്‍ യോഗം ചേരും.
നവോഥാന സദസ് നാളെ (17) പത്തനംതിട്ടയിൽ
പത്തനംതിട്ട നഗരസഭയുടെയും ജില്ലാ ശിശുക്ഷേമ സമിതിയുടെയും ആഭിമുഖ്യത്തിൽ അന്ധ വിശ്വാസങ്ങൾക്കും അനാചാരങ്ങൾക്കും എതിരേ നാളെ (17) ഉച്ച കഴിഞ്ഞ് മൂന്നിന് നവോത്ഥാന സദസ് സംഘടിപ്പിക്കും. പത്തനംതിട്ട നഗരസഭ കോൺഫറൻസ് ഹാളിൽ നടക്കുന്ന പരിപാടി ജില്ലാ കളക്ടർ ഡോ. ദിവ്യ എസ് അയ്യർ ഉദ്ഘാടനം ചെയ്യും. പത്തനംതിട്ട നഗരസഭ ചെയർമാൻ അഡ്വ. ടി. സക്കീർ ഹുസൈൻ അധ്യക്ഷത വഹിക്കും. ശിശുക്ഷേമ സമിതി സംസ്ഥാന ട്രഷറർ രാജു മുഖ്യപ്രഭാഷണം നടത്തും.
