ശബരിമല തീര്‍ഥാടനം; കര്‍ശന നിരോധനം ഏര്‍പ്പെടുത്തി പെരുനാട് പഞ്ചായത്ത്
ശബരിമല തീര്‍ഥാടനവുമായി ബന്ധപ്പെട്ട് പഞ്ചായത്തിലെ പ്രധാന തീര്‍ഥാടന പാതകളിലും മറ്റ് പാതകളിലും പാര്‍ക്കിംഗ് സ്ഥലങ്ങളിലും വാഹനങ്ങള്‍ക്ക് സമീപം ഭക്ഷണം പാകം ചെയ്യുന്നതും പഞ്ചായത്ത് പ്രദേശത്ത് ഭിക്ഷാടനം നടത്തുന്നതും തീര്‍ഥാടക പാതകളുടെ വശങ്ങളില്‍ ആടുമാടുകളെ കെട്ടിയിടുന്നതും മേയാന്‍ വിടുന്നതും നിലയ്ക്കല്‍ മുതല്‍ സന്നിധാനം വരെയുളള ഭക്ഷണശാലകളില്‍ മാംസാഹാരം ശേഖരിച്ചു വെക്കുന്നതും പാചകം ചെയ്യുന്നതും വില്‍പ്പന നടത്തുന്നതും ളാഹ മുതല്‍ സന്നിധാനം വരെയുളള ഹോട്ടലുകള്‍ ഒരേ സമയം അഞ്ച് ഗ്യാസ് സിലിണ്ടറുകളില്‍ കൂടുതല്‍ സൂക്ഷിക്കുന്നതും ഗ്യാസ് സിലിണ്ടറുകള്‍ അപകടകരമായി പൊതുസ്ഥലത്ത് സൂക്ഷിക്കുന്നതും ഏത് തരത്തിലുളള നിരോധിത പ്ലാസ്റ്റിക് ഉപയോഗിക്കുന്നതും മാലിന്യങ്ങള്‍ അലക്ഷ്യമായി ഉപേക്ഷിക്കുന്നതും സംസ്‌കരിക്കുന്നതും കര്‍ശനമായി നിരോധിച്ചതായി റാന്നി പെരുനാട് ഗ്രാമപഞ്ചായത്ത് സെക്രട്ടറി അറിയിച്ചു.
