കൊല്ലം: ജില്ലാ കൃഷി വിജ്ഞാനകേന്ദ്രത്തിന്റെ ആഭിമുഖ്യത്തില്‍ നബാര്‍ഡിന്റെ സഹായത്തോടെ കര്‍ഷകര്‍ക്കായി സംഘടിപ്പിക്കുന്ന ദശദിന ശില്‍പശാലയ്ക്ക് തുടക്കമായി. ഉദ്ഘാടനം കൃഷി വിജ്ഞാനകേന്ദ്രത്തില്‍ ജില്ലാ പഞ്ചായത്ത് വൈസ് പ്രസിഡന്റ് സുമലാല്‍ നിര്‍വഹിച്ചു. സെമിനാറുകള്‍, കര്‍ഷക-ശാസ്ത്രജ്ഞ മുഖാമുഖം, കൃഷിത്തോട്ടങ്ങളുടെ സന്ദര്‍ശനം, പഞ്ചായത്ത് ഭരണസമിതി അംഗങ്ങളുമായുള്ള ആശയവിനിമയം, ശാസ്ത്രീയ കൃഷിയുടെ ആസൂത്രണം തുടങ്ങിയ പരിപാടികളാണ് സംഘടിപ്പിക്കുക. ഡോ. റെജീന ക്ലാസ് നയിച്ചു. വെട്ടിക്കവല ഗ്രാമപഞ്ചായത്ത് പ്രസിഡന്റ് സജയകുമാര്‍ അധ്യക്ഷനായി. സദാനന്ദപുരം കൃഷിവിജ്ഞാന കേന്ദ്രം മേധാവി ബിനി സാം, അസോസിയേറ്റ് പ്രൊഫസര്‍ ഡോ. ബിന്ദു തുടങ്ങിയവര്‍ പങ്കെടുത്തു.
ഫോട്ടോ: കൃഷി വിജ്ഞാനകേന്ദ്രത്തില്‍ കര്‍ഷകര്‍ക്കായി സംഘടിപ്പിക്കുന്ന ദശദിന ശില്പശാല ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് സുമലാല്‍ നിര്‍വഹിക്കുന്നു.
