കൊല്ലം: കല്ലുവാതുക്കല്‍ ഗ്രാമപഞ്ചായത്തിലെ പാരിപ്പള്ളി എല്‍.പി സ്‌കൂളില്‍ സ്ഥാപിച്ച മാലിന്യസംസ്‌കരണ യൂണിറ്റിന്റെ ഉദ്ഘാടനം ഇത്തിക്കര ബ്ലോക്ക് പഞ്ചായത്ത് പ്രസിഡന്റ് എന്‍.സദാനന്ദന്‍പിള്ള നിര്‍വഹിച്ചു. ശുചിത്വ-മാലിന്യ സംസ്‌കരണത്തിന്റെ ഭാഗമായി ഇത്തിക്കര ബ്ലോക്ക്പഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തിയാണ് തുമ്പൂര്‍മൂഴി മോഡല്‍ കമ്പോസ്റ്റിംഗ് യൂണിറ്റ് ഏറ്റെടുത്തത്.
ഇത്തിക്കര ബ്ലോക്ക്പഞ്ചായത്ത് വൈസ്പ്രസിഡന്റ് സരിത പ്രതാപ് അധ്യക്ഷയായി. ബ്ലോക്ക് പഞ്ചായത്ത് അംഗം സരിത രാജീവ്, ഗ്രാമപഞ്ചായത്ത് അംഗം ആര്‍.മുരളീധരന്‍, ജി.ഇ.ഒ ബി.സതീഷ് കുമാര്‍, പ്രഥമാധ്യാപിക സജിനി, പി.ടി.എ പ്രസിഡന്റ് പ്രദീപ്, ആര്‍.പി സുനിത തുടങ്ങിയവര്‍ പങ്കെടുത്തു.
ഫോട്ടോ: പാരിപ്പള്ളി എല്‍.പി സ്‌കൂളില്‍ സ്ഥാപിച്ച കമ്പോസ്റ്റിംഗ് യൂണിറ്റിന്റെ ഉദ്ഘാടനം ഇത്തിക്കര ബ്ലോക്ക് പഞ്ചായത്ത് പ്രസിഡന്റ് സദാനന്ദന്‍ പിള്ള നിര്‍വഹിക്കുന്നു.
