കര്‍ഷകര്‍ക്ക് വേണ്ടി അഹോരാത്രം പ്രയക്തിച്ച നേതാവ് : വി എം ചെറിയാന്‍റെ (77)സംസ്ക്കാര ചടങ്ങുകള്‍ ഞായറാഴ്ച (12/03/2023)
pambavision.com/ newsdesk : കര്‍ഷകരുടെ ഉന്നമനം ലക്ഷ്യമാക്കി പ്രവര്‍ത്തിച്ച തികഞ്ഞ ആദര്‍ശവനായകോണ്‍ഗ്രസ് നേതാവായിരുന്നു കോന്നി അരുവാപ്പുലം വെമ്മേലിതടത്തില്‍ വി എം ചെറിയാന്‍ .
മലയോര കര്‍ഷകരുടെ ആവശ്യങ്ങള്‍ നേടിയെടുക്കാന്‍ കോണ്‍ഗ്രസ് പ്രസ്ഥാനത്തിനൊപ്പം അഹോരാത്രം സമരം ചെയ്യുകയും ഗ്രാമീണ ജനതയുടെ ഏതു ആവശ്യവും ഏതു സമയത്തും കൂടെ ഇറങ്ങി വിജയത്തില്‍ എത്തിക്കാന്‍ കിണഞ്ഞു ശ്രമിച്ച നേതാവിന് “പമ്പ വിഷന്‍ ഡോട്ട് കോമിന്‍റെ ആദരാഞ്ജലികള്‍ .
കോന്നി എന്ന മലയോര നാട്ടില്‍ ജനിച്ചു വളര്‍ന്ന പൈതൃകം മുറുകെ പിടിച്ചു കോണ്‍ഗ്രസ് പ്രസ്ഥാനത്തിലെ എളിയ പ്രവര്‍ത്തകനായി തുടക്കം കുറിച്ചു . അരുവാപ്പുലം ഗ്രാമത്തിലെ എന്നല്ല കോന്നി നാട്ടിലെ സമസ്ത മേഖലയിലും ഉള്ള ജനതയുടെ മനസ്സില്‍ ഇടം പിടിച്ച ആളാണ്‌ നമ്മളോട് കഴിഞ്ഞ ദിവസം വിട പറഞ്ഞത് .
റബര്‍ കര്‍ഷകര്‍ക്ക് വേണ്ടി സൊസൈറ്റി രൂപീകരിച്ചു കൊണ്ട് ആശയങ്ങള്‍ ജനമധ്യത്തില്‍ അവതരിപ്പിച്ചു . നാടിന്‍റെ വികസനം എന്നും സ്വപ്നം കണ്ടു . കുടിവെള്ള ക്ഷാമം രൂക്ഷമായ പ്രദേശമായ അരുവാപ്പുലം പടപ്പക്കല്‍ ഉള്ള ആളുകളുടെ കുടിവെള്ള ക്ഷാമം തീര്‍ക്കുവാന്‍ സൌജന്യമായി സ്ഥലം വിട്ടു നല്‍കി അതില്‍ കുടിവെള്ള പദ്ധതി ഒരുക്കുന്നതിന് ഇടയില്‍ ആണ് വി എം ചെറിയാന്‍ നമ്മളോട് വിടപറഞ്ഞത്‌ .
ഡി സി സി അംഗം എന്ന നിലയില്‍ ഏറെ ശോഭിച്ചു .കര്‍ഷക കോണ്‍ഗ്രസ് ജില്ലാ വൈസ് പ്രസിഡന്റ് കൂടിയായിരുന്നു . സാമൂഹിക സാംസ്ക്കാരിക രാഷ്ട്രീയ മേഖലയില്‍ സ്വന്തം ശൈലിയില്‍ ജന നന്മ ലക്ഷ്യമാക്കി പ്രവര്‍ത്തിച്ചു . ജനകീയ നേതാവിനെ ആണ് നമ്മള്‍ക്ക് നഷ്ടമായത് .
വി എം ചെറിയാന്‍റെ (77)സംസ്ക്കാര ചടങ്ങുകള്‍ ഞായറാഴ്ച (12/03/2023)ഉച്ചയ്ക്ക് രണ്ടു മണിയ്ക് അരുവാപ്പുലം താബോര്‍ മാര്‍ത്തോമ ചര്‍ച്ചില്‍ നടക്കും
