പത്തനംതിട്ട കോന്നി അരുവാപ്പുലം കൊക്കാതോട്ടില്‍ കടുവയെ ചത്ത നിലയില്‍ കണ്ടെത്തി . കൊക്കാത്തോട് കാട്ടാത്തിപ്പാറയിൽ ഇന്നലെ വൈകുന്നേരത്തോടെയാണ് വനവാസികൾ കടുവയുടെ ജഡം കണ്ടത്. പിന്നീടാണ് വനം വകുപ്പ് ഉദ്യോഗസ്ഥരെ വിവരം അറിയിച്ചത് .9 വയസ്സ് തോന്നിക്കുന്ന പെണ്‍ കടുവയുടെ ജഡമാണ് കണ്ടെത്തിയത് .
കാട്ടാത്തി ട്രൈബൽ കോളനിയോട് ചേർന്ന വനമേഖലയിയിലാണ് കടുവയെ കണ്ടെത്തിയത്.രാവിലെയോടെ സിസി എഫ് ,കോന്നി ഡിഎഫ്ഒ,നടുവത്തുമൂഴി ഡെപ്യുട്ടിറയിഞ്ചര്‍ എന്നിവർ സ്ഥലത്ത് എത്തി . കോന്നി വന മേഖലയിൽ രണ്ടു വർഷത്തിന് ഇടയിൽ നിരവധി വന്യ ജീവികളാണ് അസ്വാഭാവികമായി ചത്തത് .
