ആറാട്ടുപുഴ: വെമ്മേലിൽ കുടുംബയോഗം 26.12. 2023 ൽ ആറാട്ടുപുഴ തരംഗം ഓഡിറ്റോറിയത്തിൽ വച്ച്, കുടുംബയോഗ പ്രസിഡണ്ട് ശ്രീ. തോമസ് മാത്യു വെമ്മേലിൻെറ അധ്യക്ഷതയിൽ കൂടുകയും, മുഖ്യ പ്രഭാഷണം റവ. അലക്സ് കെ. ചാക്കോ നിർവഹിക്കുകയുമുണ്ടായി. “വ്യക്തി ബന്ധങ്ങൾ കുടുംബബന്ധങ്ങളെ ദൃഢപ്പെടുത്തുമെന്നും, കുടുംബം അനുരഞ്ജനത്തിന്റെ ഇടം ആകണമെന്നും” റവ. അലക്സ് കെ. ചാക്കോ ആഹ്വാനം ചെയ്തു.
തുടർന്ന്, ചന്ദ്രയാൻ – 3ൻെറ പ്രവർത്തനത്തിൽ ഭാഗഭാക്കാകുകയും, ടീം അംഗമാകുകയും ചെയ്ത വെമ്മേലിൽ കുടുംബാംഗം ശ്രീ. ജയപ്രകാശ് വി. തോമസിനെ അനുമോദിക്കുകയും ആദരിക്കുകയും ഉണ്ടായി.
യോഗത്തിൽ വൈസ് പ്രസിഡണ്ട് വർഗീസ് മാത്യു തടിയൂർ, ബാബു വെമ്മേലി, സെക്രട്ടറി വർഗീസ് ചാക്കോ ഇടയാറൻന്മുള, ട്രഷറർ ജയരാജ് വി. തോമസ് ഇടയാറൻന്മുള തുടങ്ങിയവർ സംസാരിച്ചു. ടി. സി തോമസ് വെമ്മേലിൽതടത്തിൽ സ്വാഗതവും അലക്സ് തോമസ് കോട്ടയ്ക്കകത്ത് മലയിൽ നന്ദിയും പ്രകാശിപ്പിച്ചു.
