യു എസ് പ്രസിഡന്റ് തിരഞ്ഞെടുപ്പ് : കമല ഹാരിസിനെ ജോ ബൈഡൻ നിർദേശിച്ചു
യു.എസ്. പ്രസിഡന്റ് തിരഞ്ഞെടുപ്പില് നിന്ന് ഡെമോക്രാറ്റിക് പാര്ട്ടി സ്ഥാനാര്ഥിയും നിലവിലെ യു.എസ്. പ്രസിഡന്റുമായ ജോ ബൈഡന് പിന്മാറി. പകരം തിരഞ്ഞെടുപ്പിൽ ഡെമോക്രാറ്റിക് പാർട്ടിയുടെ സ്ഥാനാർഥിയായി വൈസ് പ്രസിഡന്റും ഇന്ത്യൻ വംശജയുമായ കമല ഹാരിസിനെ ജോ ബൈഡൻ നിർദേശിച്ചു.കമല ഹാരിസിനൊപ്പമുള്ള ചിത്രം പങ്കുവെച്ചുകൊണ്ടായിരുന്നു ബൈഡന്റെ ട്വീറ്റ്.
റിപ്പബ്ലിക്കന് സ്ഥാനാര്ഥി ഡൊണാള്ഡ് ട്രംപുമായി ജൂണില് നടന്ന സംവാദത്തിലെ ദുര്ബലമായ പ്രകടനത്തെ തുടര്ന്ന് സ്ഥാനാര്ഥിത്വത്തില്നിന്ന് പിന്മാറാന് ജോ ബൈഡനുമേല് പാര്ട്ടിയില്നിന്ന് വലിയ സമ്മര്ദ്ദമുണ്ടായിരുന്നു.