കൊല്ലം: സംസ്ഥാന കേരളോത്സവത്തിന്റെ കായിക മത്സരങ്ങളുടെ നടത്തിപ്പുമായി ബന്ധപ്പെട്ട് സംഘാടക സമിതി ഓഫീസ് ഉദ്ഘാടനം ലാല്‍ ബഹദൂര്‍ ശാസ്ത്രി സ്റ്റേഡിയം കോംപ്ലക്‌സില്‍ മേയര്‍ പ്രസന്ന ഏണസ്റ്റ് നിര്‍വഹിച്ചു. കേരളോത്സവത്തിന്റെ സംസ്ഥാനതല കായിക മത്സരങ്ങള്‍ ജില്ലയിലെ കായിക മേഖലയ്ക്ക് പുതിയ ഉണര്‍വ് നല്‍കുമെന്ന് മേയര്‍ പറഞ്ഞു. ഡിസംബര്‍ 27 മുതല്‍ 30 വരെയാണ് സംസ്ഥാനതല കായിക മത്സരങ്ങള്‍.
സ്‌പോര്‍ട്‌സ് കൗണ്‍സില്‍ പ്രസിഡന്റ് എക്‌സ്. ഏണസ്റ്റ് അധ്യക്ഷനായി. ജില്ലാ യൂത്ത് പ്രോഗ്രാം ഓഫീസര്‍ വി. എസ് ബിന്ദു, ജില്ലാ കോ-ഓര്‍ഡിനേറ്റര്‍ എസ്. ഷബീര്‍, കായിക അസോസിയേഷന്‍ ഭാരവാഹികള്‍, ടീം കേരള പ്രതിനിധികള്‍, യുവജനക്ലബ് പ്രതിനിധികള്‍ തുടങ്ങിയവര്‍ പങ്കെടുത്തു.
ഫോട്ടോ: സംസ്ഥാന കേരളോത്സവത്തിന്റെ കായിക മത്സരങ്ങളുടെ നടത്തിപ്പുമായി ബന്ധപ്പെട്ട് സംഘാടക സമിതി ഓഫീസ് ഉദ്ഘാടനം ലാല്‍ ബഹദൂര്‍ ശാസ്ത്രി സ്റ്റേഡിയം കോംപ്ലക്‌സില്‍ മേയര്‍ പ്രസന്ന ഏണസ്റ്റ് നിര്‍വഹിക്കുന്നു.
