കൊല്ലം: ജില്ലാ വ്യവസായകേന്ദ്രത്തിന്റെ ആഭിമുഖ്യത്തില്‍ നടത്തിയ ടെക്‌നോളജി മാനേജ്‌മെന്റ് ഡെവലപ്‌മെന്റ് പ്രോഗ്രാം (റ്റി.എം.ഡി.പി) പരിശീലന പരിപാടിയുടെ സമാപനതിന്റെ ഭാഗമായി ഭക്ഷ്യഉല്‍പ്പന്ന പ്രദര്‍ശനം നടത്തി. ജില്ലാ വ്യവസായ കേന്ദ്രം ജനറല്‍ മാനേജര്‍ ബിജു കുര്യന്‍ ഉദ്ഘാടനം ചെയ്തു. സമാപന യോഗത്തില്‍ പരിശീലനത്തില്‍ പങ്കെടുത്ത 25 പേര്‍ക്ക് സര്‍ട്ടിഫിക്കറ്റ് വിതരണം ചെയ്തു. മാനേജര്‍ ബെനഡിക് നിക്‌സണ്‍ അധ്യക്ഷനായി.
20 ദിവസത്തെ ക്ലാസുകളില്‍ 12 ദിവസം സാങ്കേതിക പരിശീലനവും എട്ടു ദിവസത്തെ ഐ.എല്‍.ഒ പരിശീലനവും നല്‍കി. മാനേജര്‍മാരായ തോമസ് ജോണ്‍, കിരണ്‍ , ദിനേശ് തുടങ്ങിയവര്‍ പങ്കെടുത്തു.
ഫോട്ടോ: ജില്ലാ വ്യവസായ കേന്ദ്രത്തില്‍ നടത്തിയ പരിശീലനത്തിന്റെ ഭാഗമായ പ്രദര്‍ശനമേള ജനറല്‍ മാനേജര്‍ ബിജു കുര്യന്‍ ഉദ്ഘാടനം ചെയ്യുന്നു
