കോവിഡ് വ്യാപനം രൂക്ഷം; ജാഗ്രത പുലര്‍ത്തണം- ഡിഎംഒ
കോവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ എല്ലാവരും ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ. എല്‍. അനിതാ കുമാരി പറഞ്ഞു. രോഗികളുടെ എണ്ണവും ടിപിആര്‍ നിരക്കും ഓരോ ദിവസവും വര്‍ധിച്ചു വരുകയാണ്. പ്രതിരോധ മാര്‍ഗങ്ങള്‍ സ്വീകരിക്കുന്നതിന് ഓരോ വ്യക്തിയും തയാറായാല്‍ മാത്രമേ രോഗവ്യാപനം കുറച്ചു കൊണ്ടുവരാന്‍ സാധിക്കുകയുള്ളു.
മാസ്‌ക് ശരിയായി ധരിക്കുക, അകലം പാലിക്കുക, സോപ്പോ, സാനിറ്റൈസറോ ഉപയോഗിച്ച് കൈകള്‍ വൃത്തിയാക്കുക തുടങ്ങിയ അടിസ്ഥാന പ്രതിരോധ മാര്‍ഗങ്ങള്‍ എല്ലാവരും പാലിക്കണം. കോവിഡിന്റെ ഏതു വേരിയന്റിനെ പ്രതിരോധിക്കുന്നതിനും ഈ മാര്‍ഗങ്ങള്‍ ഫലപ്രദമാണ്. വാക്സിനേഷന് എടുക്കുന്നത് രോഗം ഗുരുതരമാകാതിരിക്കാന്‍ സഹായിക്കും. അതിനാല്‍ എല്ലാവരും കൃത്യസമയത്ത് തന്നെ വാക്സിന് സ്വീകരിക്കണം.
ഓരോ വ്യക്തിയും തങ്ങളുടെയും കുടുംബത്തിന്റെയും സമൂഹത്തിന്റെയും സുരക്ഷയ്ക്കായി പ്രതിരോധ മാര്‍ഗങ്ങള്‍ പാലിക്കാന്‍ മുന്നോട്ടു വരണം.
കോഴഞ്ചേരി ജില്ലാ ആശുപത്രി, പത്തനംതിട്ട, അടൂര്‍ ജനറല്‍ ആശുപത്രികള്‍, തിരുവല്ല താലൂക്ക് ആശുപത്രി എന്നിവിടങ്ങളില്‍ കോവിഡ് രോഗികള്‍ക്ക് രോഗത്തിന്റെ ഗുരുതരാവസ്ഥയനുസരിച്ച് കിടത്തിചികിത്സ ലഭ്യമാണ്. പന്തളം അര്‍ച്ചന, റാന്നി പെരുനാട് കാര്‍മല്‍ എന്‍ജിനിയറിംഗ് കോളജ് എന്നിവയാണ് ഇപ്പോള്‍ നിലവിലുള്ള സിഎസ്എല്‍റ്റിസികള്‍. കൂടുതല്‍ ചികിത്സാ കേന്ദ്രങ്ങള്‍ സജ്ജീകരിക്കുന്നതിനുള്ള നടപടികള്‍ നടന്നു വരുന്നതായി ഡിഎംഒ അറിയിച്ചു.
സ്‌കൂള്‍ വാക്സിനേഷന് സജ്ജീകരണങ്ങള്‍ പൂര്‍ത്തിയാകുന്നു
ജില്ലയില്‍ 15 വയസു മുതല്‍ 17 വയസുവരെ പ്രായമുള്ള കുട്ടികളുടെ വാക്സിനേഷനുള്ള സജ്ജീകരണങ്ങള്‍ പൂര്‍ത്തിയാകുന്നതായി ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എല്‍. അനിതാ കുമാരി അറിയിച്ചു. 15 വയസും അതിനു മുകളിലും പ്രായമുള്ള കുട്ടികള്‍ക്കാണ് കോവിഡ് വാക്സിന് നല്‍കുന്നത്. ഇവര്‍ 2007ലോ അതിനു മുന്‍പോ ജനിച്ചവരായിരിക്കണം. ഇതിനായി 254 സ്‌കൂളുകളുടെ വിവരങ്ങള്‍ ശേഖരിച്ചിട്ടുണ്ട്. ജില്ലയില്‍ ഈ വിഭാഗത്തില്‍ ആകെ 48884 പേരാണുള്ളത്. ഇതില്‍ 30818 കുട്ടികള്‍ക്ക് വാക്സിന് നല്‍കിയിട്ടുണ്ട്.
15 മുതല്‍ 17 വയസുവരെ പ്രായമുള്ള കുട്ടികള്‍ക്ക് കോവാക്സിന്‍ മാത്രമാണ് നല്‍കുക. സ്‌കൂള്‍ അധികൃതര്‍ വിദ്യാലയങ്ങളിലെ വാക്സിനേഷന് മുന്‍കൂട്ടി രക്ഷിതാക്കളെ അറിയിക്കേണ്ടതാണ്. രക്ഷിതാക്കളുടെ സമ്മതത്തോടു കൂടി മാത്രമേ വാക്സിനേഷന് നല്‍കുകയുള്ളു. വാക്സിനേഷന് കേന്ദ്രങ്ങളില്‍ വെയ്റ്റിംഗ് ഏരിയ, വാക്സിനേഷന് റൂം, ഒബ്സര്‍വേഷന്‍ റൂം എന്നിവ സ്‌കൂള്‍ അധികൃതര്‍ ഉറപ്പാക്കണം. കോവിഡ് പ്രോട്ടോക്കോള്‍ പാലിച്ചായിരിക്കണം എല്ലാ സെഷനുകളും നടത്തേണ്ടത്. സ്‌കൂള്‍ അധികൃതര്‍, ഒരു ദിവസം വാക്സിനേഷന് എടുക്കേണ്ട വിദ്യാര്‍ഥികളുടെ ലിസ്റ്റ് നേരത്തെ തന്നെ തയാറാക്കണം. വാക്സിനേഷന് ദിവസത്തിനു മുന്‍പ് അര്‍ഹതയുള്ള എല്ലാ വിദ്യാര്‍ഥികളും കോവിന്‍ വെബ്സൈറ്റില്‍ രജിസ്റ്റര്‍ ചെയ്തിട്ടുണ്ടെന്ന് സ്‌കൂള്‍ അധികൃതര്‍ ഉറപ്പാവരുത്തണം.
വാക്സിന് നല്‍കുമ്പോള്‍ എല്ലാ സുരക്ഷാ മാനദണ്ഡങ്ങളും പാലിക്കണം. പനിയും മറ്റ് അസുഖങ്ങളും ഉള്ള കുട്ടികള്‍ക്ക് വാക്സിനേഷന് നല്‍കുന്നതല്ല. വാക്സിനേഷന് മൂലം കുട്ടികള്‍ക്ക് എന്തെങ്കിലും ബുദ്ധിമുട്ടുകള്‍ കാണുന്നുവെങ്കില്‍ തൊട്ടടുത്ത ആരോഗ്യ സ്ഥാപനങ്ങളില്‍ എത്തിക്കുന്നതിനായി ഓക്സിജന് സൗകര്യമുള്ള ആംബുലന്‍സ് സ്‌കൂള്‍ അധികൃതര്‍ ഉറപ്പാക്കേണ്ടതാണെന്നും ജില്ലാ മെഡിക്കല്‍ ഓഫീസര്‍ അറിയിച്ചു.
സെക്രട്ടേറിയറ്റ്‌ ജീവക്കാർക്ക് കൂട്ടത്തോടെ കൊവിഡ്; മുഖ്യമന്ത്രിയുടെ ഓഫീസിൽ നിയന്ത്രണം
തിരുവനന്തപുരം സെക്രട്ടറിയേറ്റില്‍ ജീവനക്കാർക്ക് കൂട്ടത്തോടെ കൊവിഡ്. സെക്രട്ടേറിയറ്റ്‌ പ്രവർത്തനം സ്‌തംഭനാവസ്ഥയിൽ. കൊവിഡ് വ്യാപനത്തെ തുടർന്ന് മുഖ്യമന്ത്രിയുടെ ഓഫീസിൽ കർശന നിയന്ത്രണം ഏർപ്പെടുത്തി.ഖ്യമന്ത്രിയുടെ ഓഫിസിലും വനം, ദേവസ്വം, ആരോഗ്യമന്ത്രിമാരുടെ ഓഫിസിലും രോഗം പടർന്നു. ഇതോടെ ഇവിടെ നിയന്ത്രണം ഏര്‍പ്പെടുത്തി. സെക്രട്ടറിയേറ്റ് ലൈബ്രറി അടച്ചു. സെക്രട്ടേറിയറ്റിലെ ഹാജര്‍ 50 ശതമാനമാക്കണമെന്ന നിവേദനവുമായി സംഘടനകള്‍ രംഗത്തെതി. സാമ്പത്തികവർഷം അവസാനിക്കുന്നതില്‍ പദ്ധതിനടത്തിപ്പ് താളം തെറ്റുമെന്ന് സര്‍ക്കാര്‍ അറിയിച്ചു.
