കൊല്ലം: സംസ്ഥാന യുവജനക്ഷേമ ബോര്‍ഡിന്റെയും കൊല്ലം കോര്‍പ്പറേഷന്റെയും സംയുക്താഭിമുഖ്യത്തില്‍ കേരളോത്സവം സംഘടിപ്പിച്ചു. കലാ-കായിക പ്രതിഭകള്‍, ക്ലബ്ബുകള്‍, യുവജനസംഘടനകള്‍, ഗ്രന്ഥശാലകള്‍ തുടങ്ങിയവ പങ്കാളികളായി. സി. കേശവന്‍ മെമ്മോറിയല്‍ ഹാളില്‍ നൃത്തം, ചിത്രരചന, കാര്‍ട്ടൂണ്‍, ക്വിസ്, കളരിപ്പയറ്റ്, ചെണ്ടമേളം എന്നീ മത്സരങ്ങള്‍ നടന്നു. വെസ്റ്റ്‌കൊല്ലം സര്‍ക്കാര്‍ ഹയര്‍സെക്കന്‍ഡറി സ്‌കൂള്‍, ആശ്രാമം മൈതാനം, നീരാവില്‍ എന്നിവിടങ്ങളിലായി ക്രിക്കറ്റ്, അത്ലറ്റിക്ക്, വടംവലി, വോളീബോള്‍, മത്സരങ്ങളാണ് നടന്നത്.
ഫോട്ടോ: സംസ്ഥാന യുവജനക്ഷേമ ബോര്‍ഡിന്റെയും കൊല്ലം കോര്‍പ്പറേഷന്റെയും സംയുക്താഭിമുഖ്യത്തില്‍ സംഘടിപ്പിച്ച കേരളോത്സവത്തിലെ കായിക മത്സരം വെസ്റ്റ് കൊല്ലം ഹയര്‍സെക്കന്ററി സ്‌കൂളില്‍
