കോന്നി ഇളകൊള്ളൂരില്‍ കെ എസ് ആര്‍ ടി സിയും കാറും കൂട്ടിയിടിച്ചു .നിയന്ത്രണം വിട്ട കെ എസ് ആര്‍ ടി സി സമീപത്തുള്ള പള്ളിയുടെ കമാനം ഇടിച്ചു തകര്‍ത്തു . നിരവധി ആളുകള്‍ക്ക് പരിക്ക് പറ്റി . ഇവരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു . മൂന്നു പേരുടെ നില അല്‍പ്പം ഗുരുതരമായതിനാല്‍ ഇവരെ കോട്ടയം മെഡിക്കല്‍ കോളേജിലേക്ക് കൊണ്ട് പോകും
പത്തനംതിട്ട നിന്നും വന്ന കെ എസ് ആര്‍ ടി സി ബസ്സ് കാറിലേക്ക് വന്നു ഇടിക്കുകയായിരുന്നു എന്ന് നാട്ടുകാര്‍ പറയുന്നു .അമിത വേഗതയില്‍ ആണ് ബസ്സ് വന്നത് എന്നാണു പ്രാഥമിക നിഗമനം .ഇടിയുടെ ആഘാതത്തില്‍ ബസ്സ് ഇളകൊള്ളൂര്‍ പള്ളിയുടെ കമാനം ഇടിച്ചു തകര്‍ത്താണ് നിന്നത് .നാട്ടുകാര്‍ രക്ഷാ പ്രവര്‍ത്തനം നടത്തി .തുടര്‍ന്ന് ഫയര്‍ ഫോഴ് സും പോലീസും എത്തി രക്ഷാ പ്രവര്‍ത്തനം നടത്തി .
