ഉത്തരാഖണ്ഡില് ഏകീകൃത സിവില് കോഡ് ഇന്ന് നിലവില് വരും (27/01/2025 )
ഉത്തരാഖണ്ഡില് ഇന്ന് (27/01/2025 ) മുതല് ഏകീകൃത സിവില് കോഡ് (യു.സി.സി) നടപ്പിലാക്കും. ഇതോടെ സ്വാതന്ത്ര്യത്തിന് ശേഷം ഏക സിവില് കോഡ് നടപ്പാക്കുന്ന രാജ്യത്തെ ആദ്യ സംസ്ഥാനമായി ഉത്തരാഖണ്ഡ് മാറും.
വിവാഹം ഉള്പ്പടെയുള്ളവ രജിസ്റ്റര് ചെയ്യാനുള്ള യു.സി.സി വെബ്സൈറ്റ് ഇന്ന് ഉച്ചക്ക് മുഖ്യമന്ത്രി പുഷ്കര് സിങ് ധാമി ഉദ്ഘാടനം ചെയ്യും.വിവാഹം, വിവാഹമോചനം, സ്വത്തവകാശം, പിന്തുടര്ച്ചാവകാശം മുതലായവയില് സംസ്ഥാനത്തെ എല്ലാവര്ക്കും ഏകീകൃത നിയമം ആയിരിക്കും.ആദിവാസികളെയും ചില പ്രത്യേക സമുദായത്തെയും നിയമത്തിന്റെ പരിധിയില് നിന്നും നിലവില് ഒഴിവാക്കിയിട്ടുണ്ട്. സംസ്ഥാനത്തിന് പുറത്ത് താമസിക്കുന്നവരും നിയമത്തിന്റെ പരിധിയില് വരും. ഏത് മതാചാര പ്രകാരം വിവാഹം നടന്നാലും 60 ദിവസത്തിനകം യു സി സി പോര്ട്ടലില് രജിസ്റ്റര് ചെയ്യണം.ലിവിംഗ് ടുഗെദര് ബന്ധത്തിലേര്പ്പെടുന്നവര്ക്കും രജിസ്ട്രേഷന് നിര്ബന്ധമാണ്
