അച്ചന്കോവില് നദിയില് കോന്നി ഐരവൺ ആറ്റുവശം കടവില് കുളിക്കാന് ഇറങ്ങിയ സഹോദരങ്ങൾ ഒഴുക്കില്പ്പെട്ടു. സംഭവം കണ്ട സമീപവാസി അലറി വിളിച്ചതോടെ ഐരവൺ നിവാസി ഷെരീഫ് ഉടനടി എത്തി നദിയില് ചാടി കുട്ടികളെ ഇരുവരെയും കരയ്ക്ക് കയറ്റി പ്രാഥമിക വൈദ്യ സഹായം നല്കി.
കോന്നി ഐരവൺ നിവാസികളായ കാർത്തിക് (13) സഹോദരൻ കാർത്തികേയൻ (5) എന്നിവരാണ് വൈകുന്നേരം കുളിക്കാൻ നദിയില് ഇറങ്ങിയത്. ഒരാളെ പത്തനംതിട്ട ആശുപത്രിയിലും ഒരാളെ കോട്ടയം മെഡിക്കല് കോളേജിലും പ്രവേശിപ്പിച്ചു. ഒരു കുട്ടിയെ നദിയുടെ അടിയില് നിന്നും ആണ് കണ്ടെത്തിയത്.
