തദ്ദേശ സ്ഥാപനങ്ങളിലേക്കുള്ള അധ്യക്ഷന്, ഉപാധ്യക്ഷന് തിരഞ്ഞെടുപ്പ് ഡിസംബര് 26, 27 തീയതികളില്
മുന്സിപ്പല് കൗണ്സിലുകളിലേക്കുളള ചെയര്പേഴ്സണ് തിരഞ്ഞെടുപ്പ് ഡിസംബര് 26 ന് രാവിലെ 10.30നും ഡെപ്യൂട്ടി ചെയര്പേഴ്സണ് തിരഞ്ഞെടുപ്പ് അന്നേ ദിവസം ഉച്ചയ്ക്ക് ശേഷം 2.30നും നടക്കും.
ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നിവയിലെ പ്രസിഡന്റ് തിരഞ്ഞെടുപ്പ് ഡിസംബര് 27ന് രാവിലെ 10.30നും വൈസ് പ്രസിഡന്റ് തിരഞ്ഞെടുപ്പ് അന്നേ ദിവസം ഉച്ചയ്ക്ക്ശേഷം 02.30നുമാണ്.
ജില്ലാ കലക്ടറാണ് ജില്ലാ പഞ്ചായത്ത് വരണാധികാരി. ഗ്രാമപഞ്ചായത്തിലും ബ്ലോക്ക് പഞ്ചായത്തിലും അതത് സ്ഥാപനങ്ങളിലെ വരണാധികാരികള്ക്കാണ് ചുമതല. മുനിസിപ്പാലിറ്റികളില് ഇതിനായി വരണാധികാരികളെ പ്രത്യേകം ചുമതലപ്പെടുത്തിയിട്ടുണ്ട്.
അതത് തദ്ദേശ സ്വയം ഭരണ സ്ഥാപനങ്ങളില് ചേരുന്ന അംഗങ്ങളുടെ യോഗത്തില് സ്ഥാനാര്ത്ഥിയെ ഒരാള് നാമനിര്ദേശം ചെയ്യണം. മറ്റൊരാള് പിന്താങ്ങണം. നാമനിര്ദേശം ചെയ്യപ്പെട്ടയാള് യോഗത്തില് ഹാജരായിട്ടില്ലെങ്കില് സ്ഥാനാര്ഥിയാകുന്നതിനുള്ള അയാളുടെ സമ്മതപത്രം ഹാജരാക്കണം. ഒരാള് ഒന്നില് കൂടുതല് പേരുകള് നിര്ദേശിക്കാനോ ഒന്നിലധികം പേരെ പിന്താങ്ങുവാനോ പാടില്ല. സംവരണം ചെയ്തിട്ടുള്ള സ്ഥാനങ്ങളില് മത്സരിക്കുന്ന ഒരംഗത്തിനെ മറ്റൊരാള് നാമനിര്ദേശം ചെയ്യുകയോ പിന്താങ്ങുകയോ വേണ്ട.
ഒന്നിലധികം സ്ഥാനാര്ഥികളുണ്ടെങ്കില് വോട്ടെടുപ്പ് ഓപ്പണ് ബാലറ്റ് മുഖേനെ ആയിരിക്കും. വോട്ട് രേഖപ്പെടുത്തുന്ന അംഗം ബാലറ്റ് പേപ്പറിന്റെ പുറകുവശത്ത് പേരും ഒപ്പും രേഖപ്പെടുത്തണം. ഏതെങ്കിലും സ്ഥാനത്തേക്ക് ഒരാള് മാത്രമേ മത്സരിക്കുന്നുള്ളൂവെങ്കില് വോട്ടെടുപ്പ് നടത്താതെ അയാള് തിരഞ്ഞെടുക്കപ്പെട്ടതായി പ്രഖ്യാപിക്കും.
തിരഞ്ഞെടുപ്പ് യോഗത്തിന്റെ ക്വാറം ബന്ധപ്പെട്ട സ്ഥാപനത്തിലെ അംഗങ്ങളുടെ പകുതിയെങ്കിലും എണ്ണം ആയിരിക്കും. ക്വാറം തികയാത്ത പക്ഷം യോഗം അടുത്ത പ്രവൃത്തി ദിവസത്തേക്ക് മാറ്റും. അപ്രകാരം മാറ്റിയ ദിവസം അതേ സ്ഥലത്തും സമയത്തും കൂടുന്ന യോഗത്തില് ക്വാറമില്ലെങ്കിലും തിരഞ്ഞെടുപ്പ് നടത്തും.
രണ്ട് സ്ഥാനാര്ഥികള് മാത്രമുള്ളപ്പോള് കൂടുതല് സാധുവായ വോട്ടുകള് നേടിയ ആള് തിരഞ്ഞെടുക്കപ്പെട്ടതായി പ്രഖ്യാപിക്കും. രണ്ടു പേര്ക്കും തുല്യ വോട്ടാണെങ്കില് നറുക്കെടുപ്പ് നടത്തും. നറുക്കെടുക്കപ്പെടുന്നയാള് തിരഞ്ഞെടുക്കപ്പെടും.
രണ്ടിലധികം പേര് മത്സരിക്കുമ്പോള് വോട്ടെടുപ്പില് ഒരു സ്ഥാനാര്ത്ഥിക്ക് മറ്റ് എല്ലാ സ്ഥാനാര്ഥികള്ക്കും കൂടി കിട്ടിയ ആകെ സാധുവായ വോട്ടിനെക്കാള് കൂടുതല് ലഭിച്ചാല് അയാള് തിരഞ്ഞെടുക്കപ്പെടും. അപ്രകാരം ഒരു സ്ഥാനാര്ഥിക്കും വോട്ട് ലഭിക്കാതിരുന്നാല് ഏറ്റവും കുറച്ച് വോട്ട് ലഭിച്ച സ്ഥാനാര്ഥിയെ ഒഴിവാക്കി വീണ്ടും വോട്ടെടുപ്പ് നടത്തും. ഒരു സ്ഥാനാര്ഥിക്ക് മറ്റെല്ലാവര്ക്കും കൂടി ആകെ ലഭിക്കുന്ന വോട്ടിനേക്കാള് അധികം ലഭിക്കുന്നത് വരെ ഈ പ്രക്രിയ തുടരും.
മൂന്നോ അതിലധികമോ സ്ഥാനാര്ഥികള് ഉണ്ടായിരിക്കുകയും അതില് ഏറ്റവും കുറവ് വോട്ട് രണ്ടോ അതിലധികമോ പേര്ക്ക് തുല്യമായി ലഭിക്കുകയും ചെയ്താല് നറുക്കെടുപ്പ് നടത്തി നറുക്കെടുക്കപ്പെടുന്ന ആളിനെ ഒഴിവാക്കി തിരഞ്ഞെടുപ്പ് തുടരും മൂന്നോ അതിലധികമോ സ്ഥാനാര്ഥികള്ക്ക് തുല്യവോട്ട് ലഭിക്കുന്നുവെങ്കില് ഇതേ രീതിയില് ഒരാളെ നറുക്കെടുപ്പിലൂടെ ഒഴിവാക്കി വോട്ടെടുപ്പ് തുടരും.
സത്യപ്രതിജ്ഞയോ ദൃഢപ്രതിജ്ഞയോ ചെയ്ത് സ്ഥാനം ഏറ്റെടുക്കാത്ത അംഗങ്ങള്ക്ക്/കൗണ്സിലര്മാര്ക്ക് യോഗ നടപടികളില് പങ്കെടുക്കുവാനോ വോട്ടു ചെയ്യുവാനോ അവകാശമില്ല.
ഓരോ അംഗവും കൗണ്സിലറും ബാലറ്റ് പേപ്പര് കിട്ടിയാലുടന് ബാലറ്റ് പേപ്പറില് അയാള് വോട്ട് ചെയ്യാന് ഉദ്ദേശിക്കുന്ന സ്ഥാനാര്ഥിയുടെ പേരിന് നേരെ X എന്ന അടയാളം ഇട്ട് ബാലറ്റ് പേപ്പറിന്റെ പുറകു വശത്ത് അയാളുടെ പേരും ഒപ്പും എഴുതി ബാലറ്റ് പേപ്പര് റിട്ടേണിംഗ് ഓഫീസറുടെ സമീപത്ത് ക്രമീകരിച്ചിരിക്കുന്ന ബോക്സിലോ ട്രേയിലോ നിക്ഷേപിക്കണം. ഒന്നിലധികം ഘട്ടങ്ങളിലായി വോട്ടെടുപ്പ് നടത്തുമ്പോള് ഒരോ ഘട്ടത്തിലും വ്യത്യസ്ത നിറത്തിലുള്ള ബാലറ്റ് പേപ്പറുകളായിരിക്കും ഉപയോഗിക്കുക. സംവരണം ചെയ്തിട്ടുള്ള അധ്യക്ഷ, ഉപാധ്യക്ഷ സ്ഥാനങ്ങളിലേക്ക് അതത് വിഭാഗം അംഗങ്ങളായിരിക്കണം തിരഞ്ഞെടുക്കപ്പെടേണ്ടത്. സംവരണമുള്ളയിടങ്ങളില് സ്ഥാനാര്ഥികള് ജാതി സര്ട്ടിഫിക്കറ്റ് വരണാധികാരി മുമ്പാകെ ഹാജരാക്കണം.
വോട്ടെടുപ്പ് പൂര്ത്തിയായതിന് ശേഷം വരണാധികാരി അംഗങ്ങളുടെ/ കൗണ്സിലര്മാരുടെ സാന്നിധ്യത്തില് വോട്ടുകള് എണ്ണി ഫലപ്രഖ്യാപനം നടത്തും.
തിരഞ്ഞെടുപ്പ് ഫലം പ്രഖ്യാപിച്ചു കഴിഞ്ഞാല് ചെയര്പേഴ്സണ്, പ്രസിഡന്റ് എന്നിവര് വരണാധികാരി മുമ്പാകെ സത്യപ്രതിജ്ഞ ചെയ്യും. വൈസ് ചെയര്മാന് ചെയര്മാന് മുമ്പാകെയും, വൈസ് പ്രസിഡന്റ് പ്രസിഡന്റ് മുമ്പാകെയും സത്യപ്രതിജ്ഞ ചെയ്യും.
വോട്ടര് പട്ടിക പരിഷ്കരണം: കരട് വോട്ടര് പട്ടിക ഡിസംബര് 23ന്
പ്രത്യേക വോട്ടര് പട്ടിക പരിഷ്കരണവുമായി ബന്ധപ്പെട്ട് ജില്ലയിലെ എന്യൂമറേഷന് ഫോം ശേഖരണവും ഡിജിറ്റൈസേഷനും ഡിസംബര് 18 നു അവസാനിക്കുമെന്ന് ജില്ലാ കലക്ടര് എസ് പ്രേംകൃഷ്ണന് അറിയിച്ചു. കലക്ടറേറ്റില് ജില്ലാ തലത്തില് ചേര്ന്ന രാഷ്ട്രീയ പ്രതിനിധികളുടെ യോഗത്തില് സംസാരിക്കുകയായിരുന്നു അദ്ദേഹം. ബി. എല്. എ മാരുടെ സഹായത്തോടെ ആബ്സന്റ് /ഷിഫ്റ്റ് /ഡെത്ത് പരിശോധിച്ചതിനു ശേഷം കുറ്റമറ്റ രീതിയില് ഡിസംബര് 23 ന് കരട് വോട്ടര്പട്ടിക പ്രസിദ്ധീകരിക്കും. ആബ്സന്റ് /ഷിഫ്റ്റ് /ഡെത്ത് കേസുകളുടെ അടിസ്ഥാനത്തില് വോട്ടര് പട്ടികയില് നിന്ന് ഒഴിവാക്കുന്ന വോട്ടര്മാരുടെ വിവരം ജില്ലാകലക്ടറുടെ വെബ് പേജില് പ്രസിദ്ധീകരിക്കുമെന്നും ജില്ലാ കലക്ടര് പറഞ്ഞു. വോട്ടര്മാര്ക്ക് സംശയ നിവാരണത്തിനും സഹായത്തിനുമായി ബന്ധപ്പെട്ട ബി.എല്.ഒമാരെയും കണ്ട്രോള് റൂമിനെയും ജില്ലാ തിരഞ്ഞെടുപ്പ് ഓഫീസിനെയും ബന്ധപ്പെടാം. കണ്ട്രേള് റൂം ഫോണ് നമ്പര്- 0468 2224256.
സാന്റാ ഹാര്മണി ഘോഷയാത്ര: യോഗം ചേര്ന്നു
തിരുവല്ല പൗരാവലിയുടെ ആഭിമുഖ്യത്തില് ഡിസംബര് 19ന് നഗരത്തില് സംഘടിപ്പിക്കുന്ന സാന്റാ ഹാര്മണി ഘോഷയാത്രയുടെ അവലോകന യോഗം സബ് കലക്ടര് സുമിത് കുമാര് ഠാക്കൂറിന്റെ അധ്യക്ഷതയില് തിരുവല്ല റവന്യൂ ഡിവിഷണല് ഓഫിസില് ചേര്ന്നു. ഡിസംബര് 19 ന് വൈകിട്ട് 3.30 നാണ് ക്രിസ്മസ് പാപ്പാമാരുടെ ഘോഷയാത്ര.
അന്നേ ദിവസം തിരുവല്ല നഗരപരിധിയില് വൈകിട്ട് നാല് മുതല് 7.30 വരെ ഗതാഗത നിയന്ത്രണമുണ്ടാകും. വൈകിട്ട് നാലിന് ശേഷം കോട്ടയം, തിരുവനന്തപുരം ഭാഗത്തേക്കുള്ള വാഹനങ്ങള് ബൈപാസിലൂടെ പോകണം. എം.സി. റോഡിലൂടെ വാഹനഗതാഗതം നിയന്ത്രിക്കും. രാമന്ചിറ മുതല് കുരിശുകവല വരെയുള്ള റോഡ് അടിയന്തര വാഹനങ്ങള്ക്ക് മാത്രമായി പരിമിതപ്പെടുത്തും. കായംകുളത്ത് നിന്ന് തിരുവനന്തപുരം ഭാഗത്തേക്കുള്ള കെ.എസ്.ആര്.ടി.സി ഒഴികെയുള്ള വാഹനങ്ങള് കാവുംഭാഗം ജംഗ്ഷനില് നിന്ന് തുകലശേരി വഴിയും കോട്ടയം ഭാഗത്തേക്കുള്ളവ ഇടിഞ്ഞില്ലം വഴിയും സഞ്ചരിക്കണം. മുന്സിപ്പല് സ്റ്റേഡിയത്തില് പാര്ക്കിങ് സൗകര്യം ഒരുക്കും.
ഗതാഗത ക്രമീകരണങ്ങളോട് പൊതുജനങ്ങള് സഹകരിക്കണമെന്ന് സബ് കലക്ടര് അറിയിച്ചു.
പോലീസ്, മോട്ടോര് വാഹന വകുപ്പ്, നഗരസഭ, ഫയര്ഫോഴ്സ്,പിഡബ്ല്യുഡി, കെഎസ്ഇബി, വാട്ടര് അതോറിറ്റി, റവന്യൂ തുടങ്ങി വിവിധ വകുപ്പുകളുടെ ഒരുക്കം ചര്ച്ച ചെയ്തു.
തിരുവല്ല രാമന്ചിറ ബൈപാസില് നിന്നാരംഭിക്കുന്ന ഘോഷയാത്ര നഗരം ചുറ്റി സെന്റ് ജോണ്സ് കത്തീഡ്രലില് സമാപിക്കും. പ്ലോട്ട്, കുട്ടികളുടെ ബാന്ഡ്, വിവിധതരം മേളങ്ങള്, കലാപരിപാടികള് എന്നിവ ഘോഷയാത്രയില് അണിചേരും.
തിരുവല്ല തഹസില്ദാര് ജോബിന് കെ ജോര്ജ്, ഫാ.ബിജു പയ്യംപള്ളില്, ആര്. ജയകുമാര്, എം. സലിം, വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
വനിതാ രത്ന പുരസ്കാരം: അപേക്ഷ ക്ഷണിച്ചു
വിവിധ മേഖലകളില് സ്തുത്യര്ഹമായ നേട്ടങ്ങള് കൈവരിച്ച വനിതകളില് നിന്ന് 2025 വര്ഷത്തെ വനിതാ രത്ന പുരസ്കാരത്തിനുള്ള അപേക്ഷ ക്ഷണിച്ചു. അവാര്ഡിനായി നോമിനേറ്റ് ചെയുന്ന വ്യക്തി ജീവിച്ചിരിക്കുന്നവരും കഴിഞ്ഞ അഞ്ച് വര്ഷമെങ്കിലും സാമൂഹ്യ സേവനം, കായികരംഗം, പ്രതികൂല സാഹചര്യങ്ങളെ അതിജീവിച്ച് ജീവിത വിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം , വിദ്യാഭ്യാസ മേഖലയിലും ശാസ്ത്ര സാങ്കേതിക മേഖലയിലും വ്യക്തി മുദ്ര പതിപ്പിച്ച വനിത, കലാരംഗം തുടങ്ങിയ ഏതെങ്കിലും മേഖലകളില് പ്രവര്ത്തിക്കുന്നവരായിരിക്കണം. അവാര്ഡിന് പരിഗണിക്കുന്നതിലേക്ക് മറ്റ് വ്യക്തികള് സ്ഥാപനങ്ങള്/സംഘടനകള് എന്നിവര് മുഖേന നോമിനേഷന് ജില്ലാ വനിതാ ശിശു വികസന ഓഫീസര്ക്ക് നല്കണം. ഓരോ പുരസ്കാര ജേതാവിനും അവാര്ഡ് തുകയായി ഒരു ലക്ഷം രൂപ വീതവും ശില്പവും പ്രശസ്തി പത്രവും നല്കും. അവസാന തീയതി ഡിസംബര് 20. ഫോണ് : 0468 2966649.
ലോജിസ്റ്റിക്സ് ആന്ഡ് സപ്ലൈ ചെയിന് മാനേജ്മെന്റ്
കേന്ദ്ര സര്ക്കാര് സംരംഭമായ ബിസില് ട്രെയിനിംഗ് ഡിവിഷന് നടത്തുന്ന തൊഴില് അധിഷ്ഠിത സ്കില് ഡിപ്ലോമ ഇന് ലോജിസ്റ്റിക്സ് ആന്ഡ് സപ്ലൈ ചെയിന് മാനേജ്മെന്റ് കോഴ്സിലേക്ക് പ്രവേശനം ആരംഭിച്ചു. പ്ലസ്ടു കഴിഞ്ഞവര്ക്ക് അപേക്ഷിക്കാം. ഫോണ്: 7994449314.
ഡോക്ടര് നിയമനം
റാന്നി പെരുനാട് സാമൂഹികാരോഗ്യ കേന്ദ്രത്തില് താല്ക്കാലിക അടിസ്ഥാനത്തില് ഡോക്ടറെ നിയമിക്കുന്നു. സര്ട്ടിഫിക്കറ്റുകളുടെ പകര്പ്പ് സഹിതമുള്ള അപേക്ഷ ഡിസംബര് 20 നകം നേരിട്ടോ തപാല് മുഖേനെയോ സമര്പ്പിക്കണം. ഫോണ് : 9567210857, 04735 240478.
കെ ടെറ്റ് പ്രമാണ പരിശോധന
എം ജി എം എച്ച് എസ് എസ് തിരുവല്ലയില് 2025 സെപ്റ്റംബര് 18,19 തീയതികളില് നടന്ന കെ ടെറ്റ് പരീക്ഷയില് വിജയിച്ചവരുടെ അസല് പ്രമാണ പരിശോധന ഡിസംബര് 18,19,22 തീയതികളില് തിരുവല്ല ജില്ലാ വിദ്യാഭ്യാസ ഓഫീസറുടെ കാര്യാലയത്തില് നടക്കും. യോഗ്യത തെളിയിക്കുന്ന സര്ട്ടിഫിക്കറ്റുകളുടെ അസലും സ്വയം സാക്ഷ്യപ്പെടുത്തിയ പകര്പ്പും അഡ്മിറ്റ് കാര്ഡ്, മാര്ക്ക് ലിസ്റ്റിന്റെ പ്രിന്റ് ഔട്ട് എന്നിവ സഹിതം എത്തണം.
തീയതിയും സമയവും ചുവടെ.
കാറ്റഗറി ഒന്ന് ഡിസംബര് 18 രാവിലെ 10.30 മുതല് വൈകിട്ട് 3.30 വരെ.
കാറ്റഗറി രണ്ട് ഡിസംബര് 19 രാവിലെ 10.30 മുതല് വൈകിട്ട് 3.30 വരെ.
കാറ്റഗറി മൂന്ന്, നാല് ഡിസംബര് 22 രാവിലെ 10.30 മുതല് വൈകിട്ട് 3.30 വരെ.
ഫോണ് : 0469-2601349.
ഗതാഗത നിയന്ത്രണം
നെല്ലിമുകള്- തെങ്ങമം റോഡില് ഡിസംബര് 18 മുതല് ടാറിംഗ് നടക്കുന്നതിനാല് വാഹനഗതാഗതം ഭാഗികമായി നിയന്ത്രിക്കും. കല്ലുകുഴി- തെങ്ങമം റോഡ്, ഇ വി റോഡ്, പളളിക്കല് -തെങ്ങമം റോഡ്, തെങ്ങമം -മേക്കുന്നുമുകള്- വെളളച്ചിറ റോഡ് വഴി വാഹനങ്ങള് പോകണം.
ഗതാഗത നിയന്ത്രണം
റാന്നി വലിയകാവ് റിസര്വ് റോഡില് ടാറിംഗ് നടക്കുന്നതിനാല് ഡിസംബര് 18 മുതല് 20 വരെ ചെട്ടിമുക്ക് മുതല് ചിറക്കപ്പടി വരെ ഗതാഗത നിയന്ത്രിക്കുമെന്ന് അസിസ്റ്റന്റ് എക്സിക്യൂട്ടീവ് എഞ്ചിനീയര് അറിയിച്ചു.
ക്ഷീര വികസന വകുപ്പ് : മാധ്യമ അവാര്ഡിന് അപേക്ഷിക്കാം
ക്ഷീര വികസന വകുപ്പിന്റെ ആഭിമുഖ്യത്തില് 2026 ജനുവരിയില് കൊല്ലത്ത് നടക്കുന്ന സംസ്ഥാന ക്ഷീര സംഗമം ‘പടവ് 2026’ നോടനുബന്ധിച്ച് മാധ്യമ പുരസ്കാരം നല്കുന്നു. ക്ഷീര വികസനവുമായി ബന്ധപ്പെട്ട് മികച്ച പത്ര റിപ്പോര്ട്ട്, പത്ര ഫീച്ചര്, ഫീച്ചര്/ലേഖനം (കാര്ഷിക മാസിക), പുസ്തകം (ക്ഷീര മേഖല) ശ്രവ്യ മാധ്യമ ഫീച്ചര്, ദൃശ്യ മാധ്യമ റിപ്പോര്ട്ട്, ദൃശ്യ മാധ്യമ ഫീച്ചര്, ദൃശ്യ മാധ്യമ ഡോക്കുമെന്ററി/ മാഗസിന് പ്രോഗ്രാം, ക്ഷീരമേഖല മാറുന്ന കാഴ്ചപ്പാടുകള് വിഷയത്തില് മികച്ച ഫോട്ടോഗ്രാഫ് എന്നീ വിഭാഗങ്ങളിലേക്ക് അപേക്ഷിക്കാം.
മികച്ച ഫീച്ചര്-ദിനപ്പത്രം, ആനുകാലികം, മികച്ച ഫോട്ടോഗ്രാഫ് (‘ക്ഷീരമേഖല മാറുന്ന കാഴ്ചപ്പാടുകള്’ വിഷയത്തില്) വിഭാഗങ്ങളില് ക്ഷീര വികസന വകുപ്പ് ഉദ്യോഗസ്ഥര്ക്കും അപേക്ഷിക്കാം.
എന്ട്രികള് 2024 ജനുവരി ഒന്ന് മുതല് 2025 ഒക്ടോബര് 31 വരെയുള്ള കാലയളവില് പ്രസിദ്ധപ്പെടുത്തിയതാകണം. മത്സരം സംബന്ധിച്ച കാലയളവില് നിബന്ധനകളും അപേക്ഷാഫോറത്തിന്റെ മാതൃകയും www.dairydevelopment.kerala.gov.in ല് ലഭിക്കും. വിജയികള്ക്ക് 25000 രൂപ ക്യാഷ് അവാര്ഡും ഫലകവും പ്രശസ്തി പത്രവും നല്കും.
അവസാന തീയതി: ഡിസംബര് 30 വൈകിട്ട് നാല്. ഫോണ് : 9995240861, 9446453247, 9495541251.
വിലാസം: ഡെപ്യൂട്ടി ഡയറക്ടര് (എക്സ്റ്റെന്ഷന്), ക്ഷീരവികസന വകുപ്പ് ഡയറക്ടറേറ്റ് പട്ടം പി.ഒ, തിരുവനന്തപുരം 695004
