പത്തനംതിട്ട: തദ്ദേശ സ്വയംഭരണ പൊതുതിരഞ്ഞെടുപ്പിനുള്ള പോളിംഗ് സാമഗ്രികള് വിതരണം ചെയ്യുന്ന ജില്ലയിലെ കേന്ദ്രങ്ങള് ജില്ലാ കലക്ടര് എസ് പ്രേം കൃഷ്ണനും പൊതു നിരീക്ഷകന് എ നിസാമുദ്ദീനും സന്ദര്ശിച്ചു. കോഴഞ്ചേരി സെന്റ് തോമസ് കോളജ്, എലിയറയ്ക്കല് അമൃത വൊക്കേഷണല് ഹയര് സെക്കന്ഡറി സ്കൂള്, പന്തളം എന്.എസ്.എസ് കോളജ്, അടൂര് കേരള യൂണിവേഴ്സിറ്റി ബിഎഡ് സെന്റര് എന്നീ കേന്ദ്രങ്ങള് ജില്ലാ കലക്ടര് സന്ദര്ശിച്ചു. ജില്ലാ തിരഞ്ഞെടുപ്പ് ഡെപ്യൂട്ടി കലക്ടര് ബീന എസ് ഹനീഫ്, തിരഞ്ഞെടുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു. റാന്നി സെന്റ് തോമസ് കോളജിലെ വിതരണ കേന്ദ്രത്തില് പൊതുനിരീക്ഷകന് സന്ദര്ശനം നടത്തി.
മല്ലപ്പള്ളി സി.എം.എസ് ഹയര് സെക്കന്ഡറി സ്കൂള്, തിരുവല്ല കാവുംഭാഗം ദേവസ്വം ബോര്ഡ് ഹയര് സെക്കന്ഡറി സ്കൂള്, ഇരവിപേരൂര് സെന്റ് ജോണ്സ് ഹയര് സെക്കന്ഡറി സ്കൂള് എന്നിവിടങ്ങളില് നിന്നും പോളിംഗ് സാമഗ്രികള് വിതരണം ചെയ്തു. അടൂര് ഹോളി ഏഞ്ചല്സ് സ്കൂള്, പത്തനംതിട്ട കാതോലിക്കേറ്റ് കോളജ്, തിരുവല്ല എം.ജി.എം ഹയര് സെക്കന്ഡറി സ്കൂള്, പന്തളം എന്.എസ്.എസ് കോളജ് എന്നിവിടങ്ങളില് നഗരസഭയിലേക്കുള്ള പോളിംഗ് സാമഗ്രികള് വിതരണം ചെയ്തു.
ചിത്രം: പോളിംഗ് ബൂത്തുകളിലേയ്ക്ക് വോട്ടിംഗ് സാമഗ്രികള് വിതരണം ചെയ്യുന്നതിനായി ജില്ലാ കലക്ടര് എസ് പ്രേം കൃഷ്ണന്റെ സാന്നിധ്യത്തില് കോഴഞ്ചേരി സെന്റ് തോമസ് കോളജിലെ സ്ട്രോങ് റൂം തുറക്കുന്നു
ചിത്രം: റാന്നി സെന്റ് തോമസ് കോളജിലെ വോട്ടിംഗ് സാമഗ്രികളുടെ വിതരണ കേന്ദ്രത്തില് ജില്ല പൊതുനിരീക്ഷകന് എ നിസാമുദ്ദീന് സന്ദര്ശിക്കുന്നു
